«Мы мэжджытыр Дыгулыбгъуей къуажэм и ищхъэрэ жэмыхьэтым хеубыдэ, – жеIэ мэжджытым и Iимам нэхъыжь КхъуэIуфэ Хьэсэнби. – ИлъэситI хъуауэ зэдгъэпэщыж мэжджытым лэжьыгъэшхуэ етIщIылIащ икIи гъатхэпэ мазэм и 23-м зыкъэтпщытэжащ. ДиIэр, иджыри дызыхуеиныр, нэгъуэщIхэри. Сыт хуэдэ лэжьыгъэ мэжджытым едмыщIылIами ар жэмыхьэтым и цIыхухэм имызакъуэу, къуажэдэс псоми къат ахъшэкIэ къэрукIэ гъэзэщIа хъуащ. Къыхэзгъэщыну сыхуейщ Бахъсэн къ.о. и унафэщI Мэмхэгъ Хьэчим мы Iуэху щхьэпэр къызэрыддиIыгъыр, щIэгъэкъуэн къызэрытхуэхъур. Мыухыж псапэу Тхьэм къаритыж дэтхэнэ зыми. НобикI лэжьыгъэхэр зэпымыуауэ йокIуэкI. Мы махуэхэм азэн къэджапIэр (минарет) мэжджытыщхьэм трагъэуващ. Мэжджыт АльФуркъаныр къатитIу зэтетщ. Абы цIыху 1000-м зэуэ нэмэз щащIыфынущ. Андез щтапIэ, сабийхэм къурIэн щрагъэджыну пэш, Хьид махуэхэм цIыхубзхэр зыщIыхьэн пэш, мэжджытым къекIуалIэхэм я машинэхэр здагъэувын щIыпIэ… Абы къыщынэмыщIа зи узыншагъэ хуэмыщIахэр зэрызекIуэн дэкIуеипIэхэмкIи мэжджытыр къызэгъэпэщащ. Кондиционерхэр, мафIэсым щызыхъумэ сиренэхэр, жьыр зыгъэкъабзэ Iэмэпсымэхэри мэжджытым щIагъэуващ. Дэтхэнэ зы муслымэнри шынагъэ имыIэу къекIуэлIэн хуэдэу зэIузэпэщ ящIащ».

Хьэдисхэм къыщокIуэ: «Алыхьышхуэм и гущIэгъур зэпымычу къалъэIэсынущ гукъыдэж ищIу Iуэху щхьэпэм сомкIэ хэувэ, къарукIэ хэIэба дэтхэнэ зы цIыхуми». Псапэ ищIэну хуейхэм папщIэ реквизитхэр: 4276 6000 3064 7040, тел.: 8-988-928- 06-31 (Беслан).